Gabrielė Agilė Bajoraitė

Gabrielė Agilė Bajoraitė është diplomuar në Shkollën Kombëtare të Arteve M. K. Čiurlionis në vitin 2020 me Aidas Puodžiukas. Në vitin 2020 ajo vazhdoi studimet në Akademinë Lituaneze të Muzikës dhe Teatrit dhe së fundmi është studente në Akademinë Sibelius me Niklas Pokki.

Që nga viti 2009, Gabrielë merr pjesë në konkurse kombëtare dhe ndërkombëtare, si konkursi kombëtar Balys Dvarionas për pianistë dhe violinistë; “Golden Taste” në Frankfurt (Gjermani), konkursi ndërkombëtar „Virtuosi per musica di pianoforte“ në Usti nad Labem (Republika Çeke), konkursi ndërkombëtar Balys Dvarionas për pianistë dhe violinistë të rinj në Kaunas (Lituani) dhe konkursi ndërkombëtar i pianos në Aarhus (Danimarkë). Në vitin 2019 ajo mori pjesë në konkursin prestigjioz ndërkombëtar të pianos dhe organos M. K. Čiurlionis. Ajo ka fituar çmimin e dytë në konkursin e pianos Nijolë & Jonas Dëdinai, i cili u organizua nga Akademia Lituaneze e Muzikës dhe Teatrit. Recitali i saj i parë solo u zhvillua në Krakov në Festivalin e Muzikës Royal Wawel Palace (2017). Ajo ka performuar në sallat kryesore të koncerteve të Lituanisë dhe në skena të ndryshme në Poloni, Danimarkë, Islandë dhe Finlandë. Në vitin 2024, Gabrielë fitoi Bursën e Fondacionit Yamaha, edicionin e Finlandës, dhe arritja e saj e fundit është çmimi i 3-të në konkursin më prestigjioz kombëtar në Finlandë, konkursi i pianos në Tampere në maj 2025.

Ajo ka marrë pjesë në masterklase të drejtuara nga Pavel Nersesiyan, Mūza Rubackytë, Ana Malikova, Philip Gusiano, Andrius Žlabys, Vera Nosina, Erik T. Tawaststjerna, William Fong, Fabio Bidini dhe Jonathan Bis.

Andres Barrios

I lindur në Utrera (Sevilje) në vitin 1997, Andrés Barrios Navarro është një pianist eklektik dhe inovator, Një zë përfaqësues i brezit të tij, Barrios lëvron flamenkon të shekullit XXI, i cili prek kufinjtë e stileve dhe identitetve të reja të “world music”. Andrés ka performuar në mbi 15 vende, përfshirë Brazilin, Indinë, Emiratet e Bashkuara Arabe dhe Shtetet e Bashkuara, dhe ka prezantuar muzikën e tij në skena të njohura dhe festivale prestigjioze si Teatro Real dhe Auditorio Nacional në Madrid, ku në vitin 2024 u dha permierë vepra e tij me orkestër “Ecdysis”.

Që prej vitit 2016, ai ka publikuar disa albume si: “Flamenco Vivo”, “Al Sur del Jazz” dhe “De Barrios a Lorca”, ku përfshihen performanca live dhe vepra origjinale te një këndvështrimi bashkëkohor mbi muzikën flamenco të rijetëzuar fillimisht nga Lorca dhe Argentinina. Në këto albume përfshihen dhe bashkëpunime me artistë të njohur si Arcángel, Rocío Márquez, Sandra Carrasco dhe Manuel Machado. Në vitin 2018, gjatë pjesmarrjes në Las Minas International Cante Festival, ai vlerësohet me Çmimin “Filón” për “Instrumentistin më të mirë”, dhe në vitin 2020 prezanton UNIVERSO LORCA në Bienalen e Flamencos në Sevilje. Vitin pasues së bashku me pianistin Juan Pérez Floristán performon vepra të tij dhe të kompozitorëve të mëdhenj të shekullit të 20-të në Festivalin e Muzikës në Segura.

Aktualisht ai po përgatit publikimin e albumit “KM.0”, një rrugëtim muzikor personal eksploron shtigje të reja dhe transformuese. Ky album do të përfshijë bashkëpunime me figura të mirënjohura si Estrella Morente, Pedro el Granaíno dhe violinistin jordanez Layth Sidiq.

www.andresbarriosoficial.com

Urim Maliqi

Urim Maliqi i ka filluar mësimet e kitarës klasike me Korab Kallaba në Gjilan dhe studimet bachelor i ka përfunduar në Universitetin e Prishtinës me Drilon Çoçaj. Momentalisht vijon studimet e masterit në të njëjtin universitet. Ai ka ndjekur masterklase me kitaristë të mirënjohur si, Lukasz Kuropacewzski, Paolo Pegoraro, Gabriel Bianco, Ehat Musa, Xhevdet Sahatxhija, Stefan Schmidt, Petrit Çeku, Hubert Kaeppel dhe Aniello Desiderio.

Që nga mosha 10-vjeçare ka mare pjesë në koncerte, festivale dhe konkurse të shumta ndërkombëtare si: Guitar Festival Albania, Tivat International Guitar Festival, Peja International, Guitar Festival, Zagreb International Guitar Festival, Tremolo International Guitar Festival, Polyhymnia, ArsKosova, Chopin Piano Festival, Vihuela Guitar Fest, Musica Up dhe Prishtina Guitar Festival, në të cilat është vlerësuar me çmime kryesore. Ai gjithashtu është vlerësuar me mirënjohje nga shkolla e muzikës Gjilan dhe Komuna e Gjilanit për arritje të shkëlqyer interpretative.

Deri më tani ka realizuar shtatë koncerte recitale me program solo dhe muzikë dhome.

Endri Nini

…një mjeshtër i nuancave muzikore dhe një virtuoz i shkëlqyer bashkëkrijues…

Nord-West Zeitung

Endri Nini, një artist i vlerësuar si solist dhe muzikant dhome, është fitues i disa çmimeve kryesore në konkurse ndërkombëtare si konkursi i pianos Ile de-France në Paris, Premio Trio di Trieste në Itali dhe konkursi ndërkombëtar i muzikës së dhomës Kiejstut Bacewicz në Łódź (Poloni). I lindur në Tiranë, Nini studioi me Anita Tartarin, Sontraud Speidel, Kevin Kenner dhe Bernd Goetzke. Ai ka marë impulse të rëndësishme muzikore nga Stephen Kovacevich, Aldo Ciccolini dhe András Schiff. Studimet e muzikës së dhomës ai përfundoi në Hanover me Markus Becker dhe Oliver Wille.

Si muzikant dhome, ai ka performuar me muzikantë të njohur si Albrecht Mayer, Sharon Kam, Sabine Meyer, Daniel Rowland, Gustav Rivinius, Elsbeth Moser, Wolfgang Güttler, Berlin-Tokyo Quartet dhe Eliot Quartett. Nga viti 2012 deri në vitin 2018, Nini ishte një nga anëtarët themelues të Flex Ensemble, me të cilin fitoi disa çmime në konkurse prestigjioze ndërkombëtare të muzikës së dhomës, siç është çmimi i parë në konkursin ndërkombëtar të muzikës së dhomës Robert Schumann në Frankfurt dhe çmimi i parë në Gianni Bergamo Classic Music Award në Lugano. Përveç katër albumeve diskografike “The Arrival of Night” dhe “Au Suivant!” me Flex Ensemble, “Momentum” me violonçelisten Antoaneta Emanuilova dhe “Traum und Trauma” me violinisten Friederike Starkloff, ai ka regjistriuar dhe për stacionet radiofonike si SWR, NDR, Radio 4 Amsterdam dhe RTSH.

Si solist, ai ka performuar me Orkestrën Filarmonike të Baden-Baden, Orkestrën Simfonike të Radio Televizionit Shqiptar, Orkestrën e Dhomës në Karlsruhe dhe Orkestrën e Dhomës së Tiranës. Ai është shfaqur gjithashtu në salla të rëndësishme koncertesh si Concertgebouw Amsterdam, Alte Oper Frankfurt, Qendra Kombëtare për Artet Performuese në Pekin dhe Meistersingerhalle Nuremberg, si dhe në Sommerliche Musiktage Hitzacker, Heidelberger Frühling, Festspiele Mecklenburg-Vorpommern, Festivalin e Annecy, Prussia Cove, Festivalin Ndërkombëtar të Muzikës Goslar dhe Festivalin PODIUM Esslingen.

Endri Nini ka dhënë leksione te muzikës së dhomës në Akademinë Sibelius në Helsinki dhe në Universitetin e Muzikës FRANZ LISZT në Weimar dhe aktualisht është lektor i muzikës dhome në Universitetin e Muzikës dhe Dramës në Rostock. Që nga viti 2022, ai është bashkëdrejtues artistik i Himara International Music Festival.

www.endrinini.com

Iiris Piri

Lindur në 2002 në Helsinki, Iiris Piri filloi të luante violonçel kur ishte gjashtë vjeç. Tani ajo është duke përfunduar studimet e saj në Akademinë Sibelius nën drejtimin e Marko Ylönen. Piri ka marrë pjesë në shumë masterklasa kombëtare dhe ndërkombëtare me muzikantë të njohur si Arto Noras, Frans Helmerson, Sebastian Klinger dhe Josephine Knight.

Piri ka performuar si soliste, muzikante dhome dhe si anëtare e orkestrave. Ajo ka luajtur shumë herë si violonçeliste solo në orkestra të ndryshme, së fundmi në projektin i bashkëpunimit midis Akademisë Sibelius dhe Kolegjit Mbretëror të Muzikës në Londër. Koncerti ishte pjesë e festivalit BBC Proms 2024. Si muzikante dhome, Piri ka performuar në disa festivale në Finlandë dhe jashtë saj. Piri ka marrë pjesë në disa konkurse kombëtare dhe në vitin 2021 ajo fitoi çmimin e 3-të në konkursin për violonçel në Porvoo. Në vitin 2026 ajo do të marrë pjesë në konkursin për violonçelit në Turku. Aktualisht Piri luan një violonçel Albert Jacquot i ofruar nga Fondacioni Kulturor Finlandez.

Slowklang

Slowklang përfaqëson gjeneratën më të re të muzikantëve jazz – dhe ndjek një credon: muzika ka nevojë për kohë! Trioja e bazuar në Vjenë, krijon peizazhe tingullore të pasura që ftojnë dëgjuesit të reflektojnë dhe të angazhohen vërtet. Koncertet e tyre ofrojnë hapësirë për dëgjim të thellë, reflektim dhe pushim – në një kundërpeshë të ndërgjegjshme ndaj botës së shpejtë të ditëve të sotme.

Me një formacion jotipik, Slowklang shkon përtej formave tradicionale të këngës dhe luan me improvizimin sferik dhe bashkëkohor. Tingulli i tyre lëviz mes qetësisë delikate dhe ritmeve të fuqishme – gjithmonë shprehës dhe tërheqës. Për këtë tingull karakteristik janë përgjegjës anëtarët e grupit: Robin Gadermaier me lojën e tij të veçantë të basit elektrik, Robert Unterköfler me meloditë e saksofonit formojnë strukturën muzikore mbi të cilën lartësohet vokali i ndjerë dhe i përpiktë i Amina Bouroyen.

Në vitin 2024, Slowklang publikoi albumin e tyre debutues “Mindscapes”, i cili u prit ngrohtësisht nga kritikët dhe audienca:

“Muzikë si një ëndërr që sfidon kufijtë e zhanreve ekzistuese. Magjishëm dhe bukur!!“

– Claus Volke

www.slowklang.com

Jokūbas Švambaris

I lindur në 1999 në Šiauliai (Lituani), Jokūbas Švambaris filloi arsimimin e tij muzikor në Akademinë Lituaneze të Muzikës dhe Teatrit në Vilnius, ku studioi violinë me Ingrida Armonaitė-Galinienė. Në vitin 2022, ai vazhdoi studimet në Akademinë Sibelius të Universitetit të Arteve në Helsinki, duke e përfunduar me një diplomë bachelor në interpretim violine nën udhëheqjen e Kaija Saarikettu.

Ai është vlerësuar në disa konkurse kombëtare dhe ndërkombëtare. Në vitin 2016, ai fitoi çmimin e parë në konkursin ndërkombëtar Viktoras Radovičius në Vilnius dhe një çmim special në konkursin ndërkombëtar të muzikës së dhomës “In Corpore” në Tallinn. Vitin pasardhës, ai u vlerësua me çmimin e parë në konkursin kombëtar Raimundas Katilius në Vilnius dhe Çmimin e 3-të në konkursin ndërkombëtar Augusts Dombrovskis për violinistë, violistë dhe violonçelistë. Në vitin 2018, ai fitoi çmimin e parë dhe një çmim special për performancën më të mirë në konkursin kombëtar Jonas Urba në Vilnius. Në vitin 2024, ai u pranua si praktikant në Orkestrën Simfonike të Radios Finlandeze.

Si solist dhe muzikant dhome, Švambaris ka marrë pjesë në festivale të shumta dhe ka performuar si solist me disa orkestra lituaneze dhe ndërkombëtare. Në vitin 2016, ai mori pjesë në projektin e Bienales Barocca “Junges Musikpodium”, duke bërë turne me Orkestrën Rinore Evropiane në Dresden dhe Venecia. Në vitin 2019, ai fitoi një pozicion si violinë tutti në Filarmoninë e Detit Baltik. Ai është shfaqur si solist me Orkestrën e Dhomës së Shën Kristoforit në Vilnius dhe debutoi në Festivalin Thomas Mann në Nida, Lituani.

Ildikó Szabó

“Një artiste e vërtetë që në skenë arrin të performojë në maksimumin e mundur të aftësive para një publiku”

– Iván Fischer

E vlerësuar për intelektin dhe imagjinatën e saj muzikore së bashku me virtuozitetin teknik, Ildikó Szabó është laureate e konkursit të violonçelit Casals ku ishte fituese e Çmimit të 2-të, Çmimit të Audiencës dhe 7 Çmimeve Speciale.

Ildikó ka ekzekutuar si soliste me Budapest Festival Orchestra nën drejtimin e Iván Fischer, Concerto Budapest, Magdeburgische Philharmonie, Hamburger Symphoniker dhe Chamber Orchestra of Europe. Angazhimet e saj në festivale të rëndësishme përfshijnë Festspiele Mecklenburg-Vorpommern, Rheingau Festival, BBC at Hay Festival, OCM Prussia Cove, Krzyzowa Music, Verbier Festival dhe Piatigorsky Cello Festival. Ajo është shfaqur në sallat prestigjioze të koncerteve si Wigmore Hall, Mariinsky Theatre II, Concertgebouw Amsterdam, Elbphilharmonie Hamburg, Konzerthaus Berlin dhe Walt Disney Hall. Szabó ka një pasion të veçantë për repertorin hungarez dhe transilvanian – ajo ka zhvilluar marrëdhënie muzikore personale me György Kurtág dhe Péter Eötvös. Albumi i saj solo “Heritage” (2020) u nominua për German Record Critics’ Award. Projekti i regjistrimit të radhës u realizua me sugjerimin e mentorit të saj Alfred Brendel: veprat e plota për violonçel dhe piano nga Beethoven u publikuan në mars 2023 me pianistin István Lajkó.

Ildikó rrjedh nga një familje me tradita të mëdha muzikore. Që në moshën 11-vjeçare, ajo studioi me László Mező në Akademinë Liszt në Budapest dhe ndoqi masterklaset e János Starker përpara se të fillonte studimet e saj me Jens Peter Maintz në Universität der Künste Berlin. Më vonë ajo vazhdoi studimet me Wolfgang Emanuel Schmidt në Weimar dhe në Akademinë Kronberg.

Nga tetori 2023, Ildikó është docente muzikë së dhomës në Universitetin e Muzikës FRANZ LISZT Weimar, dhe pedagoge për violonçel në Institutin Julius-Stern e Universität der Künste Berlin. Ajo ka qenë e përfshirë në mënyrë aktive në projekte edukative dhe informuese si koncertet shkollore të TONALi-t dhe muzika komunitare e Konzerthaus Dortmund. Ildikó është një artiste Larsen Strings.

www.ildikoszabo.com

Maniola Camuset-Trebicka

Maniola Camuset-Trebicka është një nga pianistet më të shquara te gjeneratës së saj, me një karriere koncertore ndërkombëtare. Pasi diplomohet me çmimet e para në piano, muzikë dhome dhe shoqërim në Konservatorin Kombëtar të Lartë të Tiranës në vitin 1992, ajo merr pjesë në konkursin “MARGUERITE LONG”, me anëtarë jurie Lorin MAAZEL, Pierre PETIT dhe Germaine DEVEZE. Këtu nis dhe rrugëtimi i saj artistik në Paris, Francë ku dhe jeton aktualisht. Nxënëse e Nadine dhe Leslie WRIGHT (ish-nxënës të Vlado PERLEMUTER) në Konservatorin Europian të Parisit, ajo fiton Çmimin e Parë në piano me përgëzimet e jurisë. Gjithashtu është fituese e konkurseve ndërkombëtare në Saint-Nom-la-Bretèche dhe Sucy-en-Brie. Në vitin 2002, përzgjidhet si ambasadore për promovimin e pianove të reja PLEYEL.

Krahas aktivitetit te saj si soliste dhe muzikante dhome duke luajtur në koncerte recitale e festivale të ndryshme në Europe, Maniola kontribuon në zhvillimin e muzikës bashkëkohore me krijime të Pierre THILLOY, Henri NAFILYAN dhe kompozitorëve shqiptarë. Në vitin 2012, ajo përfshihet në librin “ALBANIAN EXCELLENCE” si një nga 100 personalitetet shqiptare më të shquara në botë. Për angazhimin e saj artistik në kuadër të Intitucionit të Edukimit të Legjionit të Nderit që nga viti 1997, Maniola dekorohet në vitin 2015 me titullin Kalorëse e “Palmave Akademike”.

Rea Veizi

Carmen Young

Kërcimtare flamenkoje me origjinë nga Aguascalientes, Meksikë, Carmen Young nisi studimet e saj të kërcimit në moshën 4-vjeçare në Akademinë “Flamenco Vive”. Në moshën 8-vjeçare zhvendoset në Madrid për te vazhduar formimin e saj. Që prej viti 2001 ajo studjoi në Amor de Dios dhe në Fondacionin Cristina Heeren (Sevilje), ku fitoi një bursë dhe më pas u bë asistente profesore. Camen ka marrë trajnime nga artistë të njohur si Cristóbal Reyes, Antonio dhe Manuel Reyes, Javier Barón, Milagros Mengíbar dhe Adela Campallo.

Ajo ka qenë soliste në kompaninë “Bailamos Flamenco” të María Juncal (2013) në Meksikë dhe ka performuar në teatrot e flamenkos si Cardamomo, Villarosa, Las Carboneras, El Cordobés etj. Ajo ka marrë pjesë në festivale si Flamencos y Mestizos, Esprit de Bayonna, dhe Festivalin e Jerez. Në vitin 2019, ajo ka performuar me Rosalían në MTV EMA në Sevilje dhe ka bashkëpunuar me Dior në vitet 2020 dhe 2022.

Carmen është vlerësuar me shumë çmime në konkurse ndërkombëtare si: Tablao Las Carboneras, konkursi Flamenco Puro në Xerez, konkursi Tablao Los Amayas dhe konkursi 31 i Krijimtarisë së Kërcimit dhe Flamenkos. Në vitin 2023, shfaqja e saj e parë solistike “Siempre Vivo” u prezantua premierë në Festivalin e Jerezit dhe më pas në Jordani në Festivalin Ndërkombëtar të Kulturës dhe Arteve Jerash. Ajo aktualisht jeton në Sevilje dhe performon rregullisht në teatrot e flamenkos si Teatro Flamenco Triana, El Arenal dhe La Cantaora.